Cerita Legenda Jantong Marthafonz

Ada satu desa di jazirah baguala namanya Desa Poka, biasa orang bilang akang desa poka-rumahtiga. Dolo di desa ini tinggal satu keluarga yang sangat sederhana mar dong hidup bahagia.

Kapala kluarga nama Bapa Bram antua pung karja par petani deng biasa panggayo parau bawa orang dari Poka rumah tiga ka Galala pulang pi,sedangkan antua pung bini nama mama mina, mama mina ini cantik,rajin deng ada karja par bantu bapa bram par tambah penghasilan keluarga yaitu deng cara bakar sagu. Bapa  bram deng mama mina pung satu orang anak parampuang paleng cantik,saat itu anak itu berusia 16 taong. Ana itu nama Martha,kulit itam manis rambut pata mayang panjang taure di bitis kaki. Par sore2 abis mama mina bakar sagu,biasanya nona Martha bajalang jual par orang0orang di pinggir desa poka, dia selalu pake baju cele merah muda,deng sagu taru diatas dulang. Martha keku di kapala lalu bajalang jual-jual sagu. Nona Martha bajalang kaluar masu lorong-lorong sambil bataria. Sagu,tante bali sagu.sagu.sagu,bali sagu kaseng. Nona Martha biasanya bajual lewat di muka barak/asrama tentara portugis akang pung tampa seng jauh dari tampa ferry sakarang. Satu kali  bagini sore2 martha bajalang jual sagu dimuka barak/asrama tentara portugis;ai sama biasa

 Martha bataria : sagu…..saguu beli saguu eeh Martha kaget,Martha takajo barang dimuka Martha su badiri seorang laki2 gagah nih,,tentara portugis.tentara portugis. Tentara tuh pung dalang hati,cantik sakali yaa.

Hari datang hari,bulang ganti bulang nona Martha tetap tekun tarus deng pekerjaanjual sagu. Suatu  hari bagini sama biasa Martha bajalang jual sagu bajalang lewat muka asrama tentara portugis lai sambil bataria saguu…saguuu…. Balii sagu kasengg.  Martha sangat terkejut karena tiba-tibardengar suara dari dalam asrama saguu.saguu..saguu sinii Martha cepat-cepat2 datangi suara tadi,tapi Martha sangat takut karena dia musti maso ka dalam asrama.lelaki itu kasih  tangannya kearah Martha. Dalam hati Martha ,, ohh dia mau berkenala

Alfonso : ‘’beta alfonso,nona siapa?

Martha : beta Martha

Alfonso : wah se paleng cantik i Martha

Jantung Martha berdebar-debar karena sengtahan Martha bertanya,

Martha :  tuan panggil beta mau beli sagu kan? Tapi kenapa tuan seng langsung bali? Beta mau pi

Alfonso: ya nona Martha sagunya beta beli semua.

Martha : iya,iya terima kasih.

Alfonso : iya nona marhta,besok datang lay ee

Sambil menjawab iya,iya Martha lari capat-capat kasih tinggal asrama tentara itu.

Alfonso adalah komandan tentara portugis yang bertugas di ambon. Portugis menjajah Indonesia dari tahun 1569-1571. Ketika tiba di rumah, ibu mina telah berdiri di depan pintu menunggu Martha dengan senang hati karena ibu mina melihat baki telah kosong,sagu habis terjual. Ibu mina kaget ketika melihat wajah Martha yang sangat pucat,ibu mina mengelus bahu Martha,

Ibu mina :Martha? Ada apa dengan se ,nak? Bilang par ibu apa yang terjadi?

Martha : begini bu,tadi pas bt bajual sagu di muka asrama,ada seorang tentara yang panggel beta katanya mau bali sagu, pas beta datang tentara itu tar langsung ambel sagu, mar dia kasih dia tangan par mau berkenalan deng beta.

Ibu mina : terus dia nama sapa?

Martha : alfonso bu. Dia paleng bae par beta, samua sagu yang beta jual tadi dia bali

Ibu mina : ohh itu Cuma kenalan sah.

Satu kali Martha bajual sagu lai, seperti biasa dia lewat muka asrama

Martha :saguu..saguuu.belii saguu.kasengg  (kaget dan tidak menyangka kalo ada alfonso & Martha hendak berlari)

Alfonso : (membawa masuk Martha ke dalam asrama dimana dia tinggal,

Martha : jang tuan,beta taku.

Alfonso : jang taku Martha,beta akan bayar samua yang se jual.. Martha,beta mau batamang deng se,se mau sgg batamang dg beta?

Martha : bisa tuan,bisa.

Bulan berganti bulang,taong berganti taong,Martha sakarang umur 17 taong.martha deng alfonso paleng dekat kaya sapasang kekasih. Dong dua diam-diam tunangan,bapa bram deng mama mina jua su tau dong hubungan. Bapa bram seng stuju dong hubungan mar alfonso tetap barani par datang ka rumah deng minta for bapa bram deng mama mina supaya di dapa kaweng deng Martha .

Bapa bram : sabar,Martha masih muda tunggu dia umur 19 taong

Alfonso tetap sabar par kaweng deng Martha,Martha jua tetap jual sagu kaya biasa, sampe di asrama alfonso panggel Martha lalu alfonso bali samua sagu yang Martha jual supaya dong dua dapa dudu carita tanpa Martha musti bajalang kaliling jual sagu. Sambil bacarita, Martha tetap lia jam seperti biasa dia pulang bajual,supaya seng terlambat sampe di rumah. Par satu kali dapa kabar dari Batavia tepat tahun 1571 portugis dapa tarek par mundur. Cita-cita tinggal cita-cita  mar nasib bicara laeng tentara portugis dari ambon harus bawa ka Batavia. Kapal parang portugis su berlabuh di pante poka tampa ferry sakarang ini. Perpisahan musti terjadi antara Martha deng alfonso, dong dua badiri berpelukan Martha manangis tarus2.

Alfonso : (sambil polo Martha) sabar ee, tunggu beta Martha, beta bale ambel se supaya katong dua kaweng. Tunggu b bale ka ambon Martha.

Martha (mengangguk)

Pasukan tentara satu par satu nae kapal. Par sakali lai alfonso polo Martha ,kemudian alfonso nae kapal,dia nae paleng akhir. Karna dia komandan pelaton.sampai di atas kapal ,

Alfonso : Martha tnggu beta !

Pas Martha dengar tanda kapal mau berangkat,Martha ambel sapu tangan merah. Tarus kasih lambai2 deng bataria.

Martha : alfonso.alfonso

Martha seng tahang laii sambil manangis Martha loncar ka dalam laut lalu berenang,alfonso lia Martha loncat ka laut alfonso lalu ikut. Kabar itu sampe par bapa bram deng mama mina tunggu di pinggir pante berdoa par Martha bale kombali. Mar harapan mereka sia2.

Bapa bram panggel orang-orang par cari Martha deng panggaypng parahu. Tarus. Mar sia2 martha deng alfonso ilang dalam laut sampe saat ini. Tampa itu dong dua tenggela namanya dikenal deng ‘’ tanjong marthafonz’’ gabungan dari nama Martha deng Alfonzo.